Die kerk is vir my meer as net 4 mure. Dis ’n gemeenskap van mense wat na dieselfde smag as wat ek doen. Dis die plek waar ek my nuwe krag kry aan die begin van ’n nuwe week. Dis die musiek wat jou laat hoendervleis kry en besef die Heilige Gees is werklik teenwoordig. Die kerk is my veilige vesting waar ek kan ontslae raak van die goed wat swaar op my skouers lê, en waar ek weer besef hoekom ons almal hier is. Die kerk herinner my dat ons almal deel is van iets groter as wat ons besef.